САЛЛААТ КЭС ТЫЛА Печать    
А. Абаҕыыныскай тыла

Кырдьан да олорон,
Ырабын толорон,
Кырдьыгы ыллыаҕым —
Ыччакка аныаҕым
Кэс тыллаах эйэни,
Көҥүлү, үлэни.
Коммунизм хардыытын
Хоһуйан ыллаатым.

Өлбүтүм да иһин,
Тыл күүһэ тириэриэ —
Үйэлээх кэриэһим
Тыыннаахпын биллэриэ.
Дьон-норуот сүрэҕэр,
Тиллэммин, мөхсүөҕүм.
Дьолломмут үөрүүбэр
Мин үөһэ көтүөҕүм.

Суостаах да өлөр чаас
Саллааты тумнуохтаах.
Күөх, көрдөөх кундэл саас
Күөрэгэй ыллыахтаах.
Кырдьан да олорон,
Ырабын толорон,
Кырдьыгы ыллыаҕым —
Ыччакка аныаҕым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).