СААС ЛЕНА БИЭРЭГЭР Печать    
Иван Гоголев тыла

Саас Лена биэрэгэр
Сарсыарда мустаннар
Дьиэрэҥкэй тэптилэр
Дьиэрэйэр сарыаллар.

Уйгууран, ыар уһун
Уутуттан уһуктан,
Хаар маҥан ньургуһун
Хараҕын дьэ аста.

Тыыллаҥнаан, нап-нарын
Тарбаҕын мускуйда,
Сырдык хаар суорҕанын
Сэмэйдик арыйда.

Төгүрүк күммүтүн
Түөһүгэр көтөҕөн
Ахтыбыт сир үрдүн
Анаарда өгдөйөн,

Үрүҥ күн ойоотун
Үрдүккэ таласта,
Дьэ, ирэн, ньургуһун
Дьиэрэҥкэй ойуста.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).