КҮӨРЭГЭЙДИИН КӨРСҮҺҮҮ Печать    
Валерий Ноев тыла

Саас сарсыарда эрдэлээн
Алааспар киирдэхпинэ
Дьоһун ырыа тоһуйар.
Дорообо, күөрэгэйим,
Кынаттаах ырыаһытым,
Күөрэгэйим барахсан,
Оо, барахсан!

Күнү көрөн, күнтэн үөрэн
Саҥа үлэ күнүн айхаллыы
Диир күөрэгэйим барахсан.

Көстүбэт кыра бэйэҥ
Күн анна күөххэ дайа
Сылдьаҕын үөһэ-үөһээ,
Туох туһунан ыллыыгын,
Дууһабын долгутаҕын?
Күөрэгэйим барахсан,
Оо, барахсан!

Дьыры-дьыры, дьуру-дьуру,
Дыбы-дьыбы, дьыры-дьыры,
Дьубу-дьубу, дьуру-дьуру.
Оо, күөрэгэй,
Күнү көрөн, күнтэн үөрэн
Саҥа үлэ күнүн айхаллаа,
Оо, күөрэгэйим барахсан!

Иккиэн бэркэ үөрэбит,
Иккиэн тэҥҥэ ыллыыбыт,
Кэрэ кэми туойабыт.
Куруук бииргэ ыллыахха
Хоһулаһар туонунан,
Күөрэгэйим барахсан,
Оо, барахсан!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).