ЭДЭРКЭЭН, МЭНИКЧЭЭН ТУЛЛУКЧААН Печать    

В. Павлов тыллара

Эдэркээн, мэникчээн туллукчаан,
Эйээрэр куолаһыҥ ырааһыан!
Эн миэхэ анаама, тугутчаан,
Эйэҕэс мичээриҥ сылааһын.

Хос ырыата:

Рап-па, рап-па, рап-па, ра-ра...
Эдэркээн, мэникчээн туллукчаан.

Тымныйбыт сүрэхпэр хараҕыҥ
Тырымын өлгөмүн бэрсимэ,
Хаалларыый ол мичээр сороҕун,
Хаһааскын бүтэрэ охсума.

Хос ырыата.

Махталым эйиэхэ, тугутчаан,
Кылгастык бу дьоллоон ылбыккар,
Дууһабар тапталы, тугутчаан,
Көргүнэн уматан барбыккар.

Хос ырыата.




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).