МАҤНАЙГЫ УУРАҺЫЫ

Иннокентий Эртюков хоһооно

Эн баар буолаҥнын, көмүһүөм,
Эргиччи мастар күп-күөхтэр,
Оннооҕор хатыылаах дөлүһүөн
Сибэккилэрэ тэтэркэйдэр.

Хос ырыата:

Эйигин мин маҥнай уураабыт
Кыһыҥҥы тыйыс киэһэбэр,
Эмискэ тымныы тыал уурайбыт
Түгэнин өйдүүр инигин.

Ол онтон ыла тымныынан тыынан
Оннооҕор күһүн даҕаны
Киэһэлэрин итинэн наҕыллык
Уматаллар ыйдаҥаны.

Хос ырыата.