КӨТӨҤ ТАХСЫҤ, КЫТАЛЫКТАР

Петр Тобуруокап тыллара

Маҕан солко былаатынан
Мааны кыыстыы далбаатанан
Көмүс хайа кырыытыгар
Көтөн тахсыҥ, кыталыктар.

Хос ырыата:

Кыҥкынаһыҥ, лыҥкынаһыҥ,
Кынаккытын кылбаҥнатын,
Кыҥкынаһыҥ, лыҥкынаһыҥ,
Кынаккытын кылбаҥнатын.

Сахам сирэ Лена эбэм
Сардаҥалаах Ийэ сирим,
Үөрэ көтө көрүстүннэр
Үүнэ-тупса чэлгийдиннэр

Хос ырыата.

Айгыр силик айылҕалаах
Аан дойдуну эргийтэлээн
Эйэ сирин итии тыллаах
Эҕэрдэтин тиэрдитэлээҥ.

Хос ырыата.