ҮӨРҮҮ-КӨТҮҮ ҮРДЭЭН ИСТИН

Макар Хара тыллара

Улуу тутуу үлэтигэр
Ордук күүскэ кыттаары,
Кыыдаан кыһын кэлбитигэр
Кырса, саһыл бултаары,
Чысхаан тыалтан, тымныыттан
Тыйыс санаа чаҕыйбат,
Дулҕа маартан, тоҥуу хаартан
Дуолан күүспүт чугуйбатын!

Тутуубутун, эйэбитин
Туруулаһыах буоламмыт,
Биэрбит эрэл этиибитин
Бигэргэтэн тураммыт,—
Чысхаан тыалтан, тымныыттан
Тыйыс санаа чаҕыйбат,
Дулҕа маартан, тоҥуу хаартан
Дуолан күүспүт чугуйбатын!