ӨЛҮӨНЭ ЭБЭКЭМ Печать    
Семен Данилов тыллара

Мин күнү көрбүтүм,
Мин манна үүммүтүм –
Бу налыы сыһыыбар,
Бу чараҥ аларбар.

Хос ырыата:

Үөрэниэххэ, үүнүөххэ
Үчүгэй да дойду,
Үчүгэй да дойду,
Өлүөнэ эбэкэм.

Мин үлэ үөрүүтүн,
Мин олох күндүтүн
Билбитим чэлгийэр
Бу кытыл сирдэрбэр.

Хос ырыата.

Мин сырдык тапталбын,
Мин хоһуун хотойбун
Булбутум, сэгэрдэр,
Бу өрүс биэрэгэр.

Хос ырыата.

Дьолунан толору,
Үөрүүнэн ситэри –
Ким маннык дойдуну
Таптаабат буолуоҕай!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).