ЭТИМЭ ЫЙ ҮӨҺЭ УСТАРЫН Печать    
Петр Тобуруокап тыллара

Этимэ ый үөһэ устарын,
Этимэ сулустар хастарын.
Эт миэхэ сүрэҕиҥ тапталын -
Эдэркээн саастарыҥ кистэлин.

Оччоҕо мин кистээн, сэрэнэн
Хардатын сүрэхпин аһыаҕым,
Эйэҕэс бэйэҕэр эрэнэн
Эйигин күнүм диэн ааттыаҕым.

Эн баҕар күлүөҕүҥ, туох буолуой?
Ону да мин үөрэ истиэҕим.
Таптыыбын диэбэтэр даҕаны
Кыыһырбат эбит дии саныаҕым.

Ахсынньы ыйдаҥа түүнүгэр
Атааран оргууйдук хаамыстым.
Хаастарым даҕаны кырыардар,
Тиритэн уолукпун аһыаҕым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".