ДОҔОРДОҺУУ ЫРЫАТА Печать    
Семен Данилов тыллара

Сахам сирэ, Сахам сирэ,
Улуу кэргэн биир кэргэнэ.
Сахам сирин кэрэ иэнин
Икки сылаас күн ириэрэр:
Доҕордоһуу илгэ күнэ
Кремльтэн, Москваттан,
Самаан сайын сылаас күнэ —
Хоту дойдум халлааныттан.

Лена эбэ биэрэктэрэ
Онон ордук чэчирииллэр,
Лена чэлгиэн биэрэктэрин
Киирбэт күннээх дойду дииллэр.
Доҕордоһуу күнэ тыгар
Үгүс норуот сүрэҕиттэн,
Хоту дойду күнэ тыгар
Коммунизм халлааныттан.

Туойуҥ, хоту дойдум дьоно,
Туойуҥ бары норуоттардыын,
Туойуҥ, хоту дойду дьоно,
Киирбэт күннэр сарыалларын:
Коммунизм сүрэ-кута
Доҕордоһуу сылаас күнүн,
Коммунизм дьиэтин тутар,
Хоту дойдум саҥа күнүн.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).