ЧААЙ ЫРЫАТА Печать    
Петр Тобуруокап тыллара

Тохсунньу дорҕоонноох тымныыта
Тохтоо, эн куттаама.
Ип-итии сүөгэйдээх чаай иһиэм,
Итийиэм,
Эбиитин тиритиэм.

От ыйын умайар куйааһа
Уоскуй, эн суоһаама.
Сөп-сөрүүн сүөгэйдээх чаай иһиэм,
Сөрүүкүөм,
Сөтүөлүү тэбиниэм.

Аргылаан айдааны тардаллар,
Испиирдээн иирэллэр.
Үүттээх чаай барахсан үчүгэй,
Сынньанан,
Сылааны таһаарар.

Сэгэрдиин, доҕордуун көрсөргө
Сэһэни күүрдэргэ
Чааскылаах чаай буолар, атаһыам
Наадалаах
Талыыкан утаҕым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).