САХА СНАЙПЕРА Печать    
В. Харлампьев тыллара

Туруулаһан кэтэһэн,
Күнүн-түүнүн бултаһан
Оптическай сыалга ылан
Өстөөх бииһин охторон
Кыраҕатык снайпер
Кыдыйара фашиһы.

Ити курдук сытара
Дойдутугар тыымпыга,
Арай маннык ытара
Устар, умсар кустары
Саха бастыҥ булчута -
Сааһыт дэммит чулуута.

Кыргыс улуу толооно -
Кыһыл буойун охсуһар,
Кылыс сытыы буулдьата
Кырыыстааҕы сууһарар
Кини көрөр сыалыгар-
Өстөөх сүүһүн тобулар.

Ити курдук бултуура
Дойдутугар ойуурга,
Арай маннык ытара
Тииҥи чопчу харахха
Сааһыт дэппит чулуута -
Саха төрүт булчута.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).