САЛЛААТ СҮРЭҔЭ Печать    
Тимофей Сметанин тыллара

Уулаах окуопкаҕа сытан,
Утуйбакка да сылдьан,
Ийэ дойдум дьолун иһин
Эрэйдэммитин иһин

Син биир этиэҕим
Сирдээҕи дьолу билэбин диэн.

Көстөр айыым сырдыгыттан
Көҥүл олохтон арахсаммын,
Сарсын тахсар күн иһин
Саманна оҕуттахпына да

Син биир этиэҕим
Сирдээҕи дьолу билэбин диэн.

Атаҕы тэҥнээн хаамар
Аналым быстыбытын иһин,
Мас баттыктанан
Барар-кэлэр буоллахпына

Син биир этиэҕим
Сирдээҕи дьолу билэбин диэн.

Буойун ааттанан охсуһууга
Босхоҥ, доҕолоҥ буолтум иһин,
Көмүскээбит көмүс көҥүлүм
Күн буолан күндээрэр буоллаҕына

Син биир этиэҕим
Сирдээҕи дьолу билэбин диэн.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).