УСТАҔЫН УЙГУЛААХ КҮӨХ БҮЛҮҮ Печать    
Степан Дадаскинов тыллара

Сүүһүнэн сыллары уҥуордаан
Сүүһүнэн кыс хаары уулларан,
Хайаны, тыалары хайытан
Халааныҥ ууларын халытан

Устаҕын уорааннаах киэҥ Бүлүү,
Устаҕын эбэбит күөх Бүлүү.

Кытылгын угуттаан чэлгитэн
Кымыһы, сүөгэйи дэлэтэн,
Быйаҥнаах өрүспүт дэтэҥҥин
Былыргы кэмнэртэн биллэҥҥин

Устаҕын унаарар киэҥ Бүлүү,
Устаҕын уйгулаах күөх Бүлүү.

Оҕону, сүөһүнү үксэтэн
Оһуохай тойугун дьиэрэтэн,
Дьол-үөрүү түбэтэ аатыран
Дьон-норуот туһугар барҕаран

Устаҕын тапталлаах киэҥ Бүлүү,
Устаҕын эбэбит күөх Бүлүү.

Күнүһүн күммүтүн сууннаран
Түүнүгэр сулуһу уматан,
Түгэхтиин бүтүннүү сандааран,
Түллэҥниир сүүрүккүн уһааран

Устаҕын дьиктилээх киэҥ Бүлүү,
Устаҕын кэрэчээн күөх Бүлүү.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).