Ырыа кырдала > Никаноров Виктор > СЫБААЙБАЛАНААЧЧЫЛАРГА АЛГЫС
СЫБААЙБАЛАНААЧЧЫЛАРГА АЛГЫС15 августа 2007, 17:50. |
Р. Баҕатаайыскай тыллара
Оҕолорбуот, бугүн эһи Уратылаах күҥҥүт үүннэ— Сиргэ кэлбит кэрэ иэһи Ситэрэргэ төлкө үүннэ. Хос ырыата: Аймахтаргыт алгыһыныы Аалай уоту тигинэтиҥ! Доҕотторгут баҕатыныы Дьоллоох дьоһун ыаллар дэтиҥ! Биһик намыын ырыатынан Бигэнэҥҥит утуйаарыҥ, Кыһыл оҕо саҥатынан Кынатыран уһуктаарыҥ. Хос ырыата. Өбүгэбит үгэһинэн Үксүү-үрдүү тэнийээриҥ — Алгыс курдук ыччатынан Ахсааҥҥытын элбэтээриҥ. Хос ырыата. Итии таптал аргыстастын, Иллээх сыһыан сэргэстэстин, Уоттаах иэйии уйаланнын, Уһун үйэ эҥэрдэстин. Хос ырыата. Айар-тутар үлэ өлбөт Анал аатын үрдэтээриҥ — Үйэлэргэ өлбөөдүйбэт Үтүө суолу кэҥэтээриҥ. ; Хос ырыата. « Төттөрү |