Василий Кыыдаан тыллара Аастыйбыт хаар баттахтаах Аҕа-балыс дьоннорум, Өйдөөн кэллим уот суостаах Өлөр-тиллэр дьыллары. Саха, нуучча, ини-бии Сэриилэһэ барбыппыт, Фашист киэптээн киирбитин Уодьуганын тарпыппыт.
Улуу Кыайыы знамятын Рейхстаг үөһэр саайбыппыт. Арассыыйа саллаатын Ааттаппыппыт чиэс аатын. Кыргыс сэрии хонуутун Туораабатах буойуттар, Биһигинниин куруутун Бииргэ бааргыт доҕоттор.
Толук тыыннаах сахтарга Туйахпытын хатарар, Уолан дьоннор турдулар Улуу Аҕа дойдубар. Уруй, Кыайыы саллаата! Дьоҥҥо биэрбит дьолгунан, Эйэ, үлэ саллаата Суолгун салгыыр буолтунан!
« Төттөрү
|