ЫҺЫАХ Печать    
Октябрина Колесова тыллара

Уйгулаах сайыммыт ыһыаҕын
Тойуксут ырыата аспыта,
Туус маҥан атынан хаамтаран
Уол кыыстыын сэргэҕэ кэлбитэ.
Дьэ дьиэрэй, чуордук дуорай,
Оһуо-оһуокай, эһиэ-эһиэкэй!

Бу манна чороону көтөҕөн
Кырдьаҕас уруйдуу тоһуйда,
Үс сэргэ аттыгар көрсүһэн
Көлүөнэм илиитин тутуста.
Дьэ дьиэрэй, чуордук дуорай,
Оһуо-оһуокай, эһиэ-эһиэкэй!

Кырдьаҕас алгыһын ытыктаан
Ыччатым көхтөөхтүк чуоҕуста,
Түһүлгэ оонньуута тэнийдэ,
Кылыыһыт, сүүрүк да үксээтэ.
Дьэ дьиэрэй, чуордук дуорай,
Оһуо-оһуокай, эһиэ-эһиэкэй!

Көр-күлүү үллэҥниир кэмигэр
Уол кыыска сибэкки туттарар,
Таптыырын күн бүгүн этиэҕин
Эдэркээн сүрэҕэ долгуйар.
Дьэ дьиэрэй, чуордук дуорай,
Оһуо-оһуокай, эһиэ-эһиэкэй!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).