СЫБААЙБАЛАНААЧЧЫЛАРГА АЛГЫС Печать    
Р. Баҕатаайыскай тыллара

Оҕолорбуот, бугүн эһи
Уратылаах күҥҥүт үүннэ—
Сиргэ кэлбит кэрэ иэһи
Ситэрэргэ төлкө үүннэ.

Хос ырыата:

Аймахтаргыт алгыһыныы
Аалай уоту тигинэтиҥ!
Доҕотторгут баҕатыныы
Дьоллоох дьоһун ыаллар дэтиҥ!

Биһик намыын ырыатынан
Бигэнэҥҥит утуйаарыҥ,
Кыһыл оҕо саҥатынан
Кынатыран уһуктаарыҥ.

Хос ырыата.

Өбүгэбит үгэһинэн
Үксүү-үрдүү тэнийээриҥ —
Алгыс курдук ыччатынан
Ахсааҥҥытын элбэтээриҥ.

Хос ырыата.

Итии таптал аргыстастын,
Иллээх сыһыан сэргэстэстин,
Уоттаах иэйии уйаланнын,
Уһун үйэ эҥэрдэстин.

Хос ырыата.

Айар-тутар үлэ өлбөт
Анал аатын үрдэтээриҥ —
Үйэлэргэ өлбөөдүйбэт
Үтүө суолу кэҥэтээриҥ. ;

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).