ГИТАРА Печать    
Пантелеймон Тулааһынап тыллара

Кыайыы буолан кутаа уот
Умуллубут бэлиэтин
Туус маҥан борокуот
Туналыйан кэлиитин;

Онно ыга куустуһан
Үрдүк биэрэк хааһыгар
Көрсөр күнү санатан
Тыаһыыр күндү гитараҥ.

Биитэр сайын от мунньа
Ходуһаҕар киирэҥҥин,
Сэгээр атах сыгынньах
Сиэлэн-хааман иһэргин.

Биитэр күөлгэ эн суунан
Окко тахсан тараанар
Сарсыардаҕын санатан
Тыаһыыр кэрэ гитараҥ.

Күһүн буолан тыаларга
Уулаах отон үүнүүтэ,
Биитэр халлаан тыалыран
Сэбирдэхпит түһүүтэ.

Эмиэ үөрэх аһыллан
Техникум ааныгар
Күүтэр күндү сонатаҥ
Тыаһыыр күндү гитараҥ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).