ДАЙААР ЫРЫАТА Печать    
Күннүк Уурастыырап тыллара

Хаҥылчай аттары
Уохтарын харатан
Хасыылка тыаһынан
Уолбаны уйгуурдан,
Унаар күөх сайыҥҥа
Оттуурун сирдэ диэн, сирдэ диэн…

Эр бэрдэ эрээри,
Эмиэ дьэ – иирээки,
Хотонтон туох дьолун
Хоторо барда диэн,
Үөлээннээх дьоннорум
Үөҕэллэр, үөҕэллэр, үөҕэллэр…

Сүөһүгэ сыстарбын
Сөбүлүүр киһибин
Ынаҕы ыырбыттан
Ырбаппын, салпаппын
Дайаардыы сылдьарбын
Чахчытын таптыыбын, таптыыбын…

Эйэҥниир сириҥнээх
Иэтинньэҥ эриэнчик
Эмиийин тардыалаан
Эрбэхтээх сөмүйэм
Элэҥнэс буолара
Эриэккэс үчүгэй, үчүгэй…

Үгүстэр баҕардар
Үөхтүннэр, сөхтүннэр.
Оттууртан, тутууттан
Уонунан ордорон,
Дайаарым үлэтин
Наһаа мин таптыыбын, таптыыбын…


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).