КЫЫС ЫРЫАТА Печать    
Күннүк Уурастыырап тыллара

Чуумпу көҥүс үрдүгэр
Турар дьиэтин түннүгэр
Кытааратын тыаһата
Кыысчаан ырыа ыллаата:

«Ыраас уулаах үрэҕим,
Ыраах устан кылбаарый.
Оҕо туҥуй сүрэҕим
Оргууй таалан ылаарый.

Дьолбун булбут туллукпун,
Доҕоччукпун саната,
Тохтор көмүс тойукпун
Долгуһутуй, кытаара.

Көрсүө, сэмэй сэгэттэй
Көрсө кэлиэх буолбута.
Экчи тиийиэм диэн этэ,
Эрэннэрэ турбута.

Кэлиэ, талах мутугар
Чыычаах нуктаан ылыыта,
Таастаах элгээн уутугар
Тырым сулус тыгыыта.

Уйарҕаабыт сүрэҕим,
Уйгуурума, уой, уоскуй!
Олом-чарчы үрэҕим,
Оонньуу-күлэ эн устууй!

Эппит тылын биэбэйим
Номнуо хайдах умнуоҕай!
Эдэр, истиҥ сэгэрин
Тоҕо кини тумнуоҕай!»

Чуумпу көҥүс үрдүгэр
Турар дьиэтин түннугэр.
Нуурал түүнүм үөһүгэр
Кытаарата тыаһыыра.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).