ОҔО СААС Печать    

У. Ноговицына тыла

Оргууй хааман иһэн санаатым
Оҕо сылдьар кэмнэрбин,
Көстүбэт таптал күүстээҕин,
Орто дойду кэрэтин.
Оҕо сааһым, ойор кэрэ күнүм,
Миигиттэн эн куоттуҥ,
Үөһээ үрүҥ былыт буолан
Тыалы кытта көттүҥ.

Хос ырыата:

Оҕо саас, оҕо саас,
Эргийбэт оҕо саас,
Ахтабын билигин,
Саныыбын эйиигин,
Үтүөкээн күннэрбин
Суохтааммын ыллыыбын
Оҕо саас, оҕо саас,
Эргийбэт оҕо саас.

Саас аайы биһиги күөх хайаҕа
Харалдьыкка тахсарбыт,
Киирэр күнү атаара
Дьоҕур диэки хаамсарбыт,
Кими эрэ кистии көрөрүм,
Кимниин эрэ оонньуурум
Көрдөөх күннэр, хатыламмат кэмнэр
Кэрэ түүл буолан аастылар.

Хос ырыата.

Мунчаара тураммын бу бүгүн
Санаатым мин ааспыты
Долгуйа ахта, сонньуйа
Эйигин мин, оҕо саас,
Оҕо сааһым, ойор кэрэ күнүм,
Миигиттэн эн куоттуҥ,
Үөһээ үрүҥ былыт буолан
Тыалы кытта көттүҥ.

Хос ырыата.




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).