ЭЙИЭХЭ МИН ЫРЫА БЭЛЭХТИИМ Печать    
Христофор Горохов тыллара, Егор Неустроев мелодията

Эйиэхэ мин ырыа бэлэхтиим
Үүт-тураан нуһараҥ сарсыарда,
Хомускун сахалыы этитиим
Сүүс араас куолаһы чугдаарда.
Эйиэхэ мин ырыа бэлэхтиим
Үүт-тураан нуһараҥ сарсыарда.

Эйиэхэ мин ырыа бэлэхтиим
Маҥнайгы күммүтүн эргитэ,
Ол ааспыт сыллартан мичээрдиим
Күн ууруур ыллыгын сэгэтэ.
Эйиэхэ мин ырыа бэлэхтиим
Маҥнайгы күммүтүн эргитэ.

Эйиэхэ мин ырыа бэлэхтиим
Дьолбутун кубалыы сырдата,
Ол ааспыт сыллартан санаатым
Сибэкки ыһыаҕар суулата.
Эйиэхэ мин ырыа бэлэхтиим
Дьолбутун кубалыы сырдата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).