ЭТИМЭ Печать    
Петр Тобуруокап тыллара

Этимэ, доҕоруом, этимэ,
Иһиллэр курдук эн этимэ,
Ибирдиир уостарыҥ эттилэр:
"Эйигин таптыыбын", - диэтилэр.

Саал былаат кытыытын сабынан
Саҥара сатаама кыбыста,
Саһархай харахтар эттилэр:
"Санаабыт биир эбит", - дэстилэр.

Илиигэ сүрэххин бигэтэ
Иһиллэр гына эн этимэ,
Ип-итии иэдэстэр этэллэр:
"Эн биһи дьоллоохпут", - дэһэллэр.

Этимэ, доҕоруом, этимэ,
Этимэ, тугу да этимэ,
Истэр ээ сүрэҕим бэйэтэ,
Истэр дии мин дууһам бэйэтэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).