ДЬИЭРЭЙ, БҮЛҮҮ ХОМУҺА

Иван Гоголев тыллара

Дьиэрэй, көр-нар аргыһа,
Бүлүү нарын хомуһа!
Алмаас тааспыт күлүмүн
Аптаах тааскар кытыарыый,
Дьүкээбилбит төлөнүн
Дьүрүһүҥҥэр иҥэриий.

Дьиэрэй, көр-нар аргыһа,
Бүлүү наҕыл хомуһа!
Дырылаабыт кырдалгар
Дьиэрэҥ үҥкүү ытыллар.
Чурулаабыт алааскар
Чулуу ыһыах ыһыллар.

Дьиэрэй, көр-нар аргыһа,
Бүлүү нуурал хомуһа!
Саха киһи сүрэҕин
Саас тухары долгутууй,
Кэрэ, дьоллоох кэммитин
Кэрээбэккэ хоһуйууй!