САХАМ СИРИН ТАПТЫЫБЫН Печать    
Петр Тобуруокап тыллара

Кыһыл төлөн дьүкээбил
Булчуттарга салюттуур
Сайын кустук күлүмэ
Отчуттары уруйдуур.

Хос ырыата:

Сахам сирин таптыыбын, таптыыбын,
Сахам сирин таптыыбын, Сахам сирин.

Кыһын халыҥ хомурах
Туундаратын үллүйэр,
Сайын будьур долгу от
Алаастарга күөгэйэр.

Хос ырыата.

Кыһын буурҕа тойуга
Олоҥхолоон утутар,
Сайын чыычаах ырыата
Утуппакка уйгуурдар.

Хос ырыата.

Кыһын көмүс мөһүүрэ
Күлүмүрүн уматар,
Сайын дьэргэл сибэкки
Ыһыаҕынан ытыллар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".