ТААС БУОЛБУТ БУОЙУТТАР Печать    
Е. Михеев тыллара

Төрөөбүт Бүлүүбүт
Төлкөлөөх буоругар,
Комсомол аатынан
Болуоссат киинигэр
Тойону, батталы
Түрүүлаан утарсан,
Таас буолбут буойуттар
Тапталлаах геройдар.

Тарбахтан ылсыһан,
Тыйыстык туттунан,
Уон сэттэ буойун—
Уон сэттэ комсомол
Бу көҥүл дойдубут,
Бу дьоллоох олохпут
Мэктиэтэ буоланнар
Иһийэн тураллар.

Эрчимнээх санаалаах
Эдэрдэр, эһиги,
Ыар санаа кэмигэр,
Ыраас күн күлүмэр,
Ол хорсун уолаттар
Уот кэриэс тылларын
Иһиллээн тохтооҥҥут,
Иҥэрин сүрэххэ!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).