Ырыа кырдала > Михайлов К. > БЫЛЫРГЫТТАН САХА ТАПТЫЫР
БЫЛЫРГЫТТАН САХА ТАПТЫЫР15 августа 2007, 17:42. |
С. Данилов тыллара
Былыргыттан саха таптыыр Мандаар, өҥнөөх оһуору. Кини онон кистии сатыыр Эстии, муҥ, сор суоһуурун. Хос ырыата: Саха тулуурдаах, өрүү көрдөөх, Самныа суоҕа, саараама, Айыылартан соргу көрдөөн Симиэ сайын салама. Дойдутуттан дьолу көрдөөн Ыһыа сайын ыһыаҕы. Ол кэм ааспыт, көҥүл күнэ Күлүмүрдүү сырдаабыт, Сүүрбэ үйэ дэбилгэнэ Муҥ, сор мууһун уһаарбыт. Хос ырыата: Оо, мин дойдум— мин сулуһум Үйэлэргэ өһүмэ, Улуу Союз сүүс сулуһун Суһумугар сүтүмэ. Хос ырыата. Хаалыыҥ, самныыҥ хаарын кытта Ууллан, уостан хаалбатын Кустук өҥнөөх, кымыс сыттаах Сахаҥ намыын саҥата. Хос ырыата. Тымныы кыһын хобдох дьиэтин Тымтыгынан сырдата, Оһуор-дьарҕаа тылын иэтэн, Олоҥхотун айбыта. « Төттөрү |