БЫЛЫРГЫТТАН САХА ТАПТЫЫР Печать    
С. Данилов тыллара

Былыргыттан саха таптыыр
Мандаар, өҥнөөх оһуору.
Кини онон кистии сатыыр
Эстии, муҥ, сор суоһуурун.

Хос ырыата:

Саха тулуурдаах, өрүү көрдөөх,
Самныа суоҕа, саараама,
Айыылартан соргу көрдөөн
Симиэ сайын салама.
Дойдутуттан дьолу көрдөөн
Ыһыа сайын ыһыаҕы.

Ол кэм ааспыт, көҥүл күнэ
Күлүмүрдүү сырдаабыт,
Сүүрбэ үйэ дэбилгэнэ
Муҥ, сор мууһун уһаарбыт.

Хос ырыата:

Оо, мин дойдум— мин сулуһум
Үйэлэргэ өһүмэ,
Улуу Союз сүүс сулуһун
Суһумугар сүтүмэ.

Хос ырыата.

Хаалыыҥ, самныыҥ хаарын кытта
Ууллан, уостан хаалбатын
Кустук өҥнөөх, кымыс сыттаах
Сахаҥ намыын саҥата.

Хос ырыата.

Тымныы кыһын хобдох дьиэтин
Тымтыгынан сырдата,
Оһуор-дьарҕаа тылын иэтэн,
Олоҥхотун айбыта.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).