ГИТАРАҔА

Альберт Бүлүүйүскэй тыллара

Тумарыкка уйдаран
Тунал киэһэ эргийдэ,
Ыллыах, ыллыах, гитарам,
Кырдьыахпытын бэрт эрдэ.
Ыллыах, ыллыах, гитарам.

Эдэр сүрэх тапталтан
Эймэнийэн эрдэҕэ,
Гитараны тыаһатан
Үөрдүн туҥуй сүрэҕэ,
Гитараны тыаһатан.

Саһарҕаны уматан
Сарсыардабыт үүнүөҕэ,
Сандал күҥҥэ утатан
Саҥа ырыа үөскүөҕэ,
Сандал күҥҥг утатан.

Тумарыкка уйдаран
Баҕар киэһэ эргийдин,
"Дин-дон, дин-дон"— гитарам,
Ырыаларбыт дьиэрэйдин,
"Диҥ-дон, дин-дон"— гитарам.