ЭЙЭ ЧУОРААННАРА Печать    
И. Алексеев тыллара

Волга курдук ырыалары
Хоту сүрэх таптыыра,
Лена курдук тойуктарбыт
Күн Москваҕа хайҕанна.

Кэрэтин
Эбитин!

Ырыаларга — доҕордоһуу
Үөр холууба кылбаҥныыр.
Эйэ, эйэ модун, улуу
Чуорааннара лыҥкыныыр.

Кылбаҥныыр,
Лыҥкыныыр.

Араас тыллаах элбэх омук
Санаалара күүрэллэр,
Араас дойду хаанын тохпут
Сэрии тыынын үүрэллэр.

Оо, эйэ!
Күн-эйэ!

Хотой сүрэхтэри күүрдэ
Ньургун ырыа ньиргийдин,
Үлэ, таптал, көҥүл эрэ
Үйэлэри киэргэттин!

Оо, эйэ!
Күн-эйэ!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).