ЫАННЬЫКСЫТ КЫЫС ЫРЫАТА Печать    
И. Слепцов тыллара

Сытыы-хотуу, бэһиэлэй,
Сэмэй сэгэр Баһылай,
Тоҕо көрсөөт, сүрэҕим
Долгуйара буолуоҕай?

Сэмэй сэгэр Баһылай,
Тоҕо ити долгуйар?

Ынахтарбын ыы сылдьан
Ырыаларбар ахтабын,
Утуйаары да сытан
Уоспар ааккын ааттыыбын.

Сэмэй сэгэр Баһылай,
Тоҕо ити ааттыыбын?

Сонуҥ түспүт тимэҕин
Түһээн тигэн биэрбитим,
Ийэм күндү бэлэҕин
Ылбыт курдук үөрбүтүм.

Сэмэй сэгэр Баһылай,
Тоҕо ити үөрэбин?

Сытыы-хотуу, бэһиэлэй,
Сэмэй сэгэр Баһылай,
Тоҕо көрсөөт сүрэҕим
Долгуйара буолуоҕай?

Сэмэй сэгэр Баһылай,
Тоҕо ити долгуйар?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".