ЧАЧААНИ Печать    
С. Данилов тыллара

Хаар курдук чэпчэки ырыаҕын
Мин таала истэбин, Чачаани,
Хаар курдук сып-сырдык ырыаҕын,
Чачаани!

Имигэс минньигэс тылларыҥ
Дьикти да эбиттэр, Чачаани,
Эн намыын чукчалыы тылларыҥ,
Чачаани!

Эн кими долгута туойаҕын
Үөр чыычаах тылынан, Чачаани?
Оо, ханнык дьоллооҕу туойаҕын,
Чачаани!

Эн туойар хоһуунуҥ буолбатах —
Ол дьоллоох буолбатах, Чачаани,
Абаккам санаабын аймаата,
Чачаани!

Хаар курдук сып-сырдык ырыаҕын
Аймана истэбин, Чачаани,
Имэҥнээх түүл курдук ырыаҕын,
Чачаани!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).