ДОҔОРБОР СҮӨКҮЧЧЭҔЭ Печать    
П. Ойуунускай тыллара

Кылбаарар кынаттаах
Кыталыктан ордук,
Тырымныыр чыычааҕым,
Тыкаарар далбарым,
Сүрэҕим сөбүлүүр
Сүөкүччэ доҕорум.

Түүннээҕи халлааным
Төлөннөөх мичээрэ,
Күлүмнүүр курдук
Күндү күлэр-мичик
Хаастаах харахтаргын
Хайҕаан умсугуйдум.

Доҕойон тураҥҥын
Долгуйа хаамаргын,
Туналыйар кубам
Тунаарар байҕалым
Удьурдаах баалыгар
Устарыгар уурдум.

Субуруйар долгун
Суһуоххун тараанан
Күлүмнүү-мичиҥнии
Күүтэн олороргун
Курбуулаах арылык
Кустукка холуйдум.

Кэмнэрдээх аналбыт
Кэхтиилээх кирбиитэ
Кэлэрин көрөммүн
Иккистээн эргийбэт
Илэ кэрэ сааскар
Хоһуйан ыллаатым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).