МИН КЭЛИЭҔИМ Печать    
И. Гоголев тыллара

Мин эһиэхэ кэлиэҕим
Үйэ тимир киэһэтигэр,
Айаас тыал сэбирдэҕи
Сиксийэр күнүһүгэр.

Бырааһынньыкка мин, баҕар,
Хойутуоҕум кыбыстан,
Атыттар олордуннар
Көрдөөх остуол тула бастаан.

Хойутуом суоҕа төрүт
Кыһалҕалаах кэмҥитигэр,
Үтүө дьылҕа курдук өрүү
Үөрдэ кэлиэм дьиэҕитигэр.

Мин кэлиэм алҕаһаабыкка,
Очуртан бүдүрүйбүккэ,
Мөлтөххө, мунаарбыкка,
Доҕорун сүтэрбиккэ.

Кэлиэм суоҕа ньылаҥнаска,
Бэйэмсэххэ, хос сирэйгэ,
Кинилэр биир да чааска
Күүппэтиннэр миигин сиргэ.

Күүтүҥ туман түүн түһүүтэ,
Күүтүҥ аалай сарсыарда.
Сырдык саҥа дьыл кэриэтэ
Мин кэлиэҕим хайаан да.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).