СЭГЭРТЭЙИЭМ, ЭН ТОҔО? Печать    
Альберт Бүлүүйүскэй тыла

Сааһын тыллар күөх торҕо
Мичээрдиирин мэлдьэһэн,
Сэгэртэйиэм, эн тоҕо
Тоҥуйгунуй мэлдьитин?

Аа.........
Тоҥуйгунуй мэлдьитин?

Эйигиттэн сылтаан мин
Мөлтөх бэйэм күүһүртүм,
Хараҥаны сырдатан,
Ырыабынан күүрбүтүм.

Аа.........
Ырыабынан күүрбүтүм.

Сулустардыын кэпсэтэ
Сиэттиһэммин хаамсыахпын,
Үргүүк таба кэриэтэ
Тоҕо куотан хаалаҕын?

Аа.........
Тоҕо куотан хаалаҕын?

Сааһын тыллар күөх торҕо
Мичээрдиирин мэлдьэһэн,
Сэгэртэйиэм, эн тоҕо
Тоҥуйгунуй мэлдьитин?

Аа........
Тоҥуйгунуй мэлдьитин?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".