ЭН МИИГИН АХТАРЫҤ БУОЛААРАЙ? Печать    
Петр Тобуруокап тыллара

Тыыннаахтыы тырымныы сандааран
Сарсыарда саҥа күн тахсыыта,
Тапталга таттаран талбааран
Эн миигин ахтарыҥ буолаарай?

Үрэхтэн уу баһа бараары
Былааккын баанаргар бытааран,
Сүрэҕиҥ сылыйан, ылааран
Эн миигин ахтарыҥ буолаарай?

Сиик көтөн комбайн ыытаары
Мотуоргун ититэ туруоран,
Ыллаабыт ырыаҕар кытыаран,
Эн миигин ахтарыҥ буолаарай?

Оһуордаах сымнаҕас сыттыккар
Утуйан биэрбэккэ сытаҥҥын,
Инники кэскилгин санааҥҥын
Эн миигин ахтарыҥ буолаарай?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).