ТАПТАЛ ЫРЫАТА Печать    
Эллэй тылллара

Сүөгэй сөрүүн сүүрэр-көтөр
Сааскы сылаас тыал буолан,
Көтөн тиийиий сэгэртэйбэр
Сүрэх сүдү таптала.
Тиийэн аргыый сибигинэй:
"Сэгээр, сааскы тыаллыы
Сайан киирдин эн сүрэххэр
Бу мин сүдү тапталым".

Хатыҥ хампа лабаатыгар
Саас ыллыыр ымыы буолан
Тапталлаахпар дайан тиий,
Сүрэх талыы таптала.
Тырыбыныы көтөн тиийэн
Дьыр-дьыр ыллаа ымыылыы:
"Сөбүлүүрүм эрэ — эн, ыл
Сүрэхийим тапталын".

Түүҥҥү халлаан түгэҕиттэн
Мичилиҥниир сулус буолан,
Түүлгэр киирдин түүн аайы
Сүрэх сырдык таптала.
Күлүмүрдээн, эттин сулус:
"Күөрэгэйим-далбарым,
Суолгар суолдьут сулус буоллун
Бу мин өспөт тапталым".


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).