ЭТИИЙ, ХАННА БУОЛУОҤУЙ? Печать    
Д. Михайлов тыллара

Тэтиҥ маска сэбирдэх
Тэлибирии тыллыыта,
Көҕөрөөхтүүр күөх симэх
Күөгэлдьийэ хамсыыта

Хос ырыата:

Этиий, ханна буолуоҥуй?
Этиий, ханна буолуоҥуй?

Үөттээх үрэх үрдүнэн
Түптэ буруо унааран,
Саха ыала мунньустан
Сайылыкка тахсыыта

Хос ырыата:

Этиий, ханна буолуоҥуй?
Этиий, ханна буолуоҥуй?

Ыраах, чугас сирдэртэн
Ыччаттарбыт түмсүүтэ,
Үлэ-үөрэх аргыстаах
Үөрэ-көтө көрсүүтэ

Хос ырыата:

Этиий, ханна буолуоҥуй?
Этиий, ханна буолуоҥуй?

Кэрии тыаҕа күн саһан
Нуурал киэһэ түһүүтэ,
Олох улуу кыайыытын
Оһуокайга туойууга

Хос ырыата:

Этиий, ханна буолуоҥуй?
Этиий, ханна буолуоҥуй?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).