ТАБАЛАР Печать    
В. Дедюкин тыллара

Аарыма буур табам муоһугар
Чолбону мин илдьэ иһэбин,
Сындыыстыы сыыйыллар айаммар
Сылайар диэн тугун билбэппин.

Айхаллыы көрсөллөр айааннар,
Сайыһа хаалаллар сыһыылар.
Кыыс кындыа кылбараҥ табалар,
Кыырайыҥ ырааттар ыраатан.

Кырса кыыл кылаана кылбаарар
Дьүкээбил үҥкүүлүүр сиригэр,
Хотугу халлааным анныгар
Хоһууннук олорор үчүгэй.

Хочонон, сис тыанан дайаннар
Хоҥкунас хоболор ыллыыллар,
Кыыс кындыа кылбараҥ табалар,
Кыырайыҥ ырааттар ыраатан.

Мин сырдык ыраны таптыыбын,
Мин түргэн айантан үөрэбин.
Доҕорбор бу кэһии гынаммын
Чолбону көтөҕөн иһэбин.

Сиппэттэр силлиэлэр сырсаннар,
Силэллэн биэрэллэр хайалар.
Кыыс кындыа кылбараҥ табалар,
Кыырайыҥ ырааттар ыраатан.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).