ҮЧҮГЭЙИЭН ҮРҮҤ ТҮҮН Печать    
Макар Хара тыллара

Тэхтир сиртэн тэйдэр тэйэн
Тэбиэһирбит үрүйэм
Дьэргэһийэр сүүрүгүнүүн
Тиийэн кэллэ үрүҥ түүн!

Үчүгэйиэн түннүкпүнэн,
Үөмэр-чүөмэр үктэнэн,
Үөрэ-дьүөрэ тыллыын-өстүүн
Үөмэн киирэр үрүҥ түүн!

Тыкаарыйар тыытын миинэн,
Тыаһаабакка эрдинэн,
Тыабыт, уубут чэбдик, сөрүүн
Тыынын ыста үрүҥ түүн.

Умсугутуон умсугутар,
Уйулҕабын долгутар
Оһуокайбыт үҥкүүтүнүүн
Устан ааһар үрүҥ түүн.

Үчүгэйиэн Сахам сирин
Өлгөм-быйаҥ сирэмин
Үктэллэнэр үөрүүтүнүүн
Үүнэн ааһар үрүҥ түүн!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".