САЙЫЛЫК Печать    
С. Данилов тыллара

Санаабар бу илэ көһүннэ:
Сайылык, алтан от сыһыылар,
Үчүгиий-үчүгэй күн үүннэ,
Үүт-тураан, үүт-тураан халлааммар.

Тумулга сайылык ферматын
Түптэ күөх буруота унаарар.
Кыталык-кыталык кыргыттар,
Кыргыттар лыах буолан дайаллар.

Санаабар биир ырыа дьиэрэйэр,—
Сайылык аныгы ырыата,
Нап-намыын, нап-нарын үлүгэр
Намчытык тайаарар дорҕооттор.

Барыта киэҥ, холку — ол онно,
Барыта уйаҕас, сайаҕас,
Ичигиис-ичигэс — ол онно,
Салгынныын сымнаҕыыс-сымнаҕас.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).