БҮЛҮҮ ДОЛГУННАРА Печать    
Д. Михайлов тыллара

Ньууруҥ сырдыы тэнийэн,
Бүлүү эбэм — кэрэҕин,
Умнуллубат оҕо саас
Дьоллоох сааһын санатан,
Көҥүл дуолгун уруйдуу
Күөҥҥэр түһэн күн оонньуур.

Үйэлэри киэргэтэр
Улуу тутуу дьэндэйэр,
Кини модун тыаһыттан
Үөрэн-көтөн, уһуктан
Кынаттаммыт долгуннар
Кытылларгар дайаллар.

Ыччаттарыҥ ыратын,
Кырдьаҕаһыҥ алгыһын
Ырыа гыммыт мин Бүлүүм,
Үүнэр күнүҥ — дьол, үөрүү.
Ону билбит курдуктар
Үөскэр көтөр хоптолор.

Ньууруҥ сырдыы тэнийэн,
Бүлүү эбэм — кэрэҕин,
Умнуллубат оҕо саас
Дьоллоох чааһын санатан,
Көҥүл дуолгун уруйдуу
Күөҥҥэр түһэн күн оонньуур.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".