ЛЕНА ЭБЭККЭМ Печать    
Иван Гоголев тыла

Лена, Лена,
Лена эбэккэм,
Чуумпу киэһэ наскый, нуурай,
Маннык күөҕү,
Маннык туналы
Хайдах таптыы көрүөҥ суоҕай?

Сүрэх үөрэр,
Санаа күүһүрэр
Модун иэҥҥин көрөн туран,
Ол иһин да
Көҥүл кубалар
Кэлэллэр саас суохтаан ахтан.

Хоодуот хотой
Хоҥор очуоскар
Былыргыттан уйа туттар,
Хоодуот дьоннор
Кындыа кытылгар
Саас буоланнар суугунууллар.

Лена, Лена,
Лена эбэккэм,
Күн төрүүр эн урсуҥҥуттан
Эн хотугу
Сырал чолбону
Саба ыһыый долгуҥҥунан.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).