МАННЫК ТАЛБА КИЭҺЭҔЭ Печать    
В.Дедюкин тыллара

Маннык талба киэһэҕэ
Доҕоччугуом, үҥкүүлүөх,
Эдэр сааспыт иэйиитэ
Эрчимнэннин, көрүлүөх.

Хос ырыата:

Килбигийэ туттума,
Кэмчиэрийэн хаалыма.

Сиртэн силис тарданнар,
Сибэккилэр тыллаллар,
Күнү кууһан дайаллар
Күөрэгэйдэр, ымыылар.

Хос ырыата.

Саҕахтарга тайанан
Сандаарыйар сарыаллар
Мэлдьи чэбдик эдэр саас
Мэктиэтинэн буолаллар.

Хос ырыата.

Күн-дьыл хаара үллүктээн
Көмүө суоҕа дьолбутун,
Маҥнай бииргэ көрсүһэн
Үктэл уурбут суолбутун.

Хос ырыата.

Биһи сырдык ырабыт
Куорсун аспыт иэйиитэ
Таптал тыыннаах тылынан
Бу ырыаҕа хаалыаҕа.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).