БҮГҮН БҮЛҮҮГЭ Печать    
В. Васильев тыллара

Бүгүн Бүлүү кытылыгар
Бүттүүн тахсан норуот түмсэр
Өрүү эдэр куоратыгар
Үбүлүөйэ бэлиэтэнэр.

Хос ырыата:

Киэҥ уулусса муҥунан
Киэптии хааман барыаҕыҥ
Болуоссакка, пааркаҕа
Муора буолан туолуоҕуҥ!

Бүгүн Бүлүү эҥээригэр
Эһиэкэйбит эҥээрийэр;
Чулуу дьоммут түөстэригэр
Көмүс сулус дьэрэлийэр.

Хос ырыата.

Бүгүн Бүлүү куоратыгар
Ааспыт сыллар ахтыллаллар,
Кэлэр кэскил туонатыгар
Киэҥ саҕахтар арыллаллар.

Хос ырыата.

Бүгүн Бүлүү биэрэгигэр
Үөрүү-көтүү өрө үллэр;
Үбүлүөйүн бэлиэтигэр
Норуот күүһүн көрүнэр.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".