КҮӨХ УЙГУНУ СОМСУОҔУҤ Печать    
Иван Гоголев тыллара

Симэх оппут
Сиигэ куурбут,
Мүөттээх сыта дырылаабыт,
«Охсуҥ!» диирдии,
«Мунньуҥ!» диирдии
Долгулдьуйар ходуһабыт сандалыта.

Совхоз дьоно,
Куорат дьоно,
Тахсыҥ унаар ходуһаҕа,
Күөх уйгуну
Сомсумахтааҥ,
Күн даҕаны махтаныаҕа.

Оттуур оппут —
Бу олохпут
Уйгу-быйаҥ сандалыта,
От хомуура —
Дьол хомуура,
От ырыата — дьол ырыата.

Былчыҥ кииллий,
Дууһа дьэгдьий,
Чэбдик салгын үчүгэйиэн!
Күүс үлэттэн
Чиэскин үрдэт,
Сулууспалаах, интеллигент.

Иҥиир ыллаа,
Сүрэх ыллаа,
От ырыата — дьол ырыата,
Оттуур оппут —
Бу олохпут
Уйгу-быйаҥ сандалыта.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).