СУЛУСТАР Печать    
Моисей Ефимов тыллара

Барыарда
Киэҥ Дьааҥы урсуна,
Налыйда
Дьалкыйар долгуна,
Дьэ арай
Тыаһа суох түһэннэр,
Түһэннэр
Чаҕылхай сулустар түмсэннэр,
Им дьимҥэ
Сөтүөлээн эрэллэр,
Им дьимҥэ
Дьиэрэҥкэй тэбэллэр,
Им дьимҥэ
Сөтүөлээн эрэллэр,
Им дьимҥэ
Дьиэрэҥкэй тэбэллэр.
Харбааннар
Кыымнары саҕаллар,
Умсаннар
Умуллан хаалаллар,
Кылбаҥнаан
Күөрэйэн кэлэллэр,
Тырымнаан
Күйгүөрэ күлэллэр,
Сүүрүгү
Таҥнары сырсаллар,
Сүүрүгу
Өксөйө усталлар.
Хараҥа
Түлэй түүн барыгар,
Сардаҥа
Кыырпаҕын ыһаллар,
Умайан
Кутаалыах курдуктар,
Сандааран
Аһара сырдыктар
Бу ыраах
Халлаантан ыалдьыттар,
Бу ыраас
Чөмчүүк таас сулустар.
Үөр сулус
Суунарын көрөммүн
Ол олус
Дьиктитин сөҕөммүн,
Мин иэйэн
Ырыабын наардыыбын,
Иһийэр
Чуумпуга саныыбын,
Итинник
Тыаһа суох сылдьаммын,
Сэмэйдик
Кэрэни айдарбын!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).