ДЬОЛЛООХТУК ОЛОРУОХ Печать    
Виталий Власов тыллара

Бастакы тапталы харыстыах,
Бу күнү олохтуун аргыстыах,
Кэргэннии биһилэх кэтиэххэ,
Кэргэним «Эн, мин» диэн этиэххэ.

Хос ырыата:

Ырабыт кэскилин тэриниэх,
Ыгатык олоххо тирэниэх,
Бу баҕа санаабын толоруох,
Бар дьоннуу дьоллоохтук олоруох!

Хос ырыата.

Ыарахан кэмнэргэ өйдөһүөх,
Ыксары баар буолан өйөһүөх.
Тэйсибит күннэргэ суруйсуох,
Таптаһар сурукка — буруй суох...

Хос ырыата.

Барыны билиэххэ-көрүөххэ,
Баар күнтэн, олохтон үөрүөххэ.
Хоһоонно, ырыата айыахха,
Холбоһон дьол устун дайыахха!

Хос ырыата.

Олустан олуһу куоһарыах,
Олохпут орунун уһаарыах,
Ханна да куустуһан сылдьыахха,
Харыстыы, өйөнсө кырдьыахха!

Хос ырыата.

Эрэнсэн үйэҕэ таптаһыах,
Эрэйгэ күүс булан сатаһыах.
Мэһэйи кыайарга холонуох,
Мэлдьитин биир буолан дьоллонуох!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).