ЭҔЭРДЭ, ДЬОКУУСКАЙ КУОРАТЫМ Печать    
Степан Дадаскинов тыллара

Үүннэ дии үтүөкэн сарсыарда,
Үрүҥ күн Ленаҕа кылбайда.
Дьиэлэриҥ түннүгэр саҕыллан
Дьиримнии түстүлэр чаҕыллар.

Хос ырыата:

Эҕэрдэ, Дьокуускай куоратым,
Эҕэрдэ, тапталлаах куоратым.
Бар дьоҥҥо мичээргин бэлэхтээ,
Сардаҥаҥ чаҕылын бэлэхтээ!

Хомуһуҥ ырыатын дьиэрэтэн
Хотугу кыраайга куруутун
Тапталлаах куораппыт эн дэтэн
Тахсар күн күлүмүн көрсө тур.

Хос ырыата.

Кэнчээри ыччатыҥ киэҥ туттар
Кэскиллээх куората буолаҕын
Үлэһит норуотуҥ туһугар
Үүнэ тур, сайда тур, Дьокуускай!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).